Դասընթացի մասին

Այսօր անհնար է պատկերացնել հաջողակ բիզնես, որը բացառում է սոցիալական հարթակների դերը իր զարգացման և առաջխաղացման գործում։ SMM մասնագետներն մշակում են բիզնեսի առաջխաղացման  ռազմավարություն  սոցիալական ցանցերում՝ ներգրավելով նոր լսարաններ և բարձրացնում լոյալությունը։

Կարևորելով SMM-ի դերը առհասարակ մեր կյանքում և հիմնվելով մեծ պահանջարկի վրա՝ մեկնարկվում է Social Media Marketing (SMM)  փոխկապակցված անհրաժեշտ գործիքակազմի փաթեթով  նմանը չունեցող 5-ամսյա դասընթացի շարք,  որն իր ծրագրային բազմաբովանդակությամբ և պրակտիկ լինելով տարբերվում է մյուս դասընթացներից։

Ինչո՞վ

✔5 ամսում մի քանի մասնագիտություն, ոլորտի լայն աշխատաշուկա դուրս գալու մեծ հնարավորություն
✔Անհամեմատ ցածր գին՝ առաջարկվող մասնագիտությունների ամբողջական ուսուցման համար
✔Դասերը հագեցած են գործնական առաջադրանքներով՝ որպես նյութի ամրապնդման միջոց, ուստի դասավանդողի հետ կապը և նյութի յուրացումը շարունակվում է նաև  դասաժամից դուրս:

✔Դասընթացի ավարտին տրամադրվում է երկլեզու միջազգային վկայական

Ում համար է դասընթացը

Նարանց համար, ովքեր`

• Ցանկանում են սեփական գործը սկսել և գիտեն, որ իրենց անհրաժեշտ է սոցիալական մեդիա առաջխաղացում
• Ունեն բիզնես, սակայն դեռևս չեն կողմնորոշվել ինչից սկսել SMM-ը
• Վաղուց գրանցված են Facebook-ում, սակայն ցանկանում են հասկանալ , թե ընդհանրապես ինչպես է պետք զբաղվել բիզնես առաջխաղացմամբ
• Մտածում են նոր մասնագիտություն ձեռք բերելու մասին
• Ովքեր չեն ցանկանում կախվածություն ունենալ որևէ մեկից

Հարգելի հաճախորդներ
 Սիրով տեղեկացնում ենք, որ սույն թվականի մայիսի 18-ից ուսումնական կենտրոնը վերսկսում է իր աշխատանքը:

 Հոգ տանելով մեր հաճախորդների առողջության և անվտանգության մասին, հետևելով ՀՀ առողջապահության նախարարության նախանշած նորմերին, հորդորում ենք ձեզ գրասենյակ այցելելիս պահպանել կորոնավիրուսի կանխարգելման առավելագույն բոլոր անվտանգության կանոնները:

2019թ․ նոյեմբերի 1-ին մեկնարկեց Adobe After Effects վիդեոմշակման ծրագրի դասընթացը «Սիրիահայ երիտասարդների պայծառ ապագա» ծրագրի շրջանակներում, որն իրականացվում է «ՀԱԼԵՊ» հայրենակցական բարեսիրական հասարակական կազմակերպության («ՀԱԼԵՊ» ՀԿ) կողմից՝ ԵՀԽ Կլոր Սեղան հիմնադրամի աջակցությամբ:

Դասընթացի շնորհիվ մասնակիցը ձեռք կբերի գիտելիքներ վիդեոնյութերի խմբագրման, գովազդային և տեսային հոլովակների ստեղծման մասին, ինչպես նաև կսովորի կիրառել դրանք տիտրերում, անիմացիաներում և այնտեղ, որտեղ անհարաժեշտ են թվային վիդեոէֆեկտներ:

«Նախկինում մասնակցել եմ  Adobe Premiere Pro ծրագրի դասընթացին և ուրախ եմ, որ ծրագիրը շարունակական է։ Շնորհակալություն եմ հայտնում ՀԱԼԵՊ ՀԿ-ին և ԵՀԽ Կլոր սեղան հիմնադրամին՝ ընձեռնված հնարավորության համար: Ապագայում նպատակ ունեմ սեփական գործունեությունս ծավալել ՏՏ ոլորտում, իսկ այս դասընթացն օգնում է բարելավվել գիտելիքներս և հասնել իմ նպատակին»,- նշում է դասընթացի մասնակից Հրագ Բեբեջյանը:

Դասընթացներն անցկացվում են «Էյ Ջի Էյջ» ուսումնական կենտրոնում՝ սիրիահայ մեկ երիտասարդի մասնակցությամբ։

«Սիրիահայ երիտասարդների պայծառ ապագա» ծրագիրը ֆինանսավորվում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «ՀԱԼԵՊ» ՀԿ-ի հետ համագործակցությամբ: Ծրագրի կարողությունների զարգացման բաղադրիչի նպատակն է բարելավվել սիրիահայ երիտասարդների հմտություններն ու մրցունակությունը հայաստանյան աշխատաշուկայում և հնարավորություն տալ՝ հասնելու իրենց աշխատանքային նպատակներին:

Ամառային դասընթացներ 10-15 տարեկան երեխաների համար, ովքեր հետաքրքրված են տեսաֆիլմերով և մուլտիմեդիայով:

Մեր համագործակցությունը
ՀՀ Աշխատանքի և սոցիալական հարցերի նախարարության կողմից կազմակերպված «Աշխատաշուկայում անմրցունակ և մասնագիտություն չունեցող երիտասարդ մայրերի համար» ծրագրի դասընթացի շրջանակներում
Գրաֆիկական դիզայն
Ուսանող` Աննա Սահակյան

Այսօր Մենք Կարող ենք ֊ում յուրահատուկ օր էր...
Հիշու՞մ եք մեր Արտյոմին,ում ճանաչեցինք պարոն Բեջանյանի Армен Беджанян շնորհիվ... Արտյոմը դասավանդեց երեխաներին ֆոտոշոփ,սա դասավանդման և իր ուժերին վստահելու առաջին փորձն էր,ինչը ստացվեց,ու երջանկացրեց բոլորիս...

Իսկ այսօր հավաքվել էինք մեր Արտյոմ Մամարյան ին հայտնելու,որ Feka live ալիքի հետևորդների և մեր սիրելի Feka -ի նախաձեռնությամբ Արտյոմը կաշխատի մեր կազմակերպությունում,կունենա աշխատանքի հնարավորություն,կդասավանդի ևս մի կուրս ՝ֆոտոշոփի դասընթացներ մեր կազմակերպության երեխաներին...

«Սիրիահայ երիտասարդների պայծառ ապագա» ծրագրի շրջանակում 2018թ. դեկտեմբերի 27-ին ութ երիտասարդներ ավարտեցին վիդեոմշակման Adobe PremierePro ծրագրի մեկամսյա կուրսը: Որպես ավարտական աշխատանք նրանցից յուրաքանչյուրը պատրաստել էր շուրջ 2 րոպեանոց հոլովակ, որտեղ կիրառել էր սովորած գիտելիքները` աշխատանք կադրերի և սլայդերի հետ, տիտրերի և ձայնի տեղադրում, կանաչ էկրանի կիրառում, գունային ուղղում, արագության կարգավորում և այլն:

Ծրագիրը ֆինանսավորվում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «Հալեպ» հայրենակացական բարեսիրական հասարակական կազմակերպության հետ համագործակցությամբ:

Շնորհակալություն Էյ Ջի Էյջ ուսումնական կենտրոն AGH education centr-ին համագործակցության համար:

• ՆԿԱՐԱԳԻՐ.

Դասընթացի մասնակիցները կծանոթանան Rhinoceros ծրագրի միջոցով եռաչափ նախագծման մեթոդներին, գործածության ոլորտներին՝ մասնավորապես Rhinoceros ծրագրի և Matrix պլագինի օգնությամբ ոսկերչական նախատիպերի եռաչափ մոդելավորմանը։ Տեսականորեն կծանոթանան ոսկերչական իրերի ռետինից կաղապարների և ոսկերչական իրերի ձուլման եղանակով ստացման գործընթացներին, մոդելներին ներկայացվող տեխնիկական պայմաններին և պահանջներին, թանկարժեք և կիսաթանկարժեք քարերը զարդերի վրա ամրացնելու գործընթացներին ու դրանց տեսակներին, առանձնահատկություններին, մոդելավորման ժամանակ կիրառվող եռաչափ տպիչների ու ֆրեզերային հաստոցների տեսակներին, դրանց համեմատական առավելություններին ու թերություններին:

• ԱԿՆԿԱԼՎՈՂ ԿՐԹԱԿԱՆ ՎԵՐՋՆ ԱՐԴՅՈՒՆՔՆԵՐ

Ուսանողը, ուսումնառության արդյունքում պետքէ

Իմանա

• Rhinoceros-ի և Matrix-ի կառուցվածքը:
• Rhinoceros ծրագրի ինտերֆեյսի բոլոր առանզնահատկությունները:
• Վարժ տիրապետի աշխատանքային հիմնական գործիքներին:
• Rhinoceros-ում օգտագործվող այլ պլագինների առկայությունը և դրանց օգտագործման հնարավորությունը ոսկերչական նախատիպերի մոդելավորման գործընթացում:
• Հմտորեն կարողանա օգտագործել մոդելավորման համար անհրաժեշտ գործիքները՝ ելնելով տեխնիկական առաջադրանքի առանձնահատկությունից։
• Թանկարժեք և կիսաթանկարժեք քարերը զարդերի վրա ամրացնելու տեխնոլոգիական գործընթացի տեսությունը։
• Մոդելավորման ժամանակ կիրառվող եռաչափ տպիչների ու ֆրեզերային հաստոցների տեսակները, դրանց համեմատական առավելություններն ու թերությունները:

Կարողանա

• Կարողանա ստանալ պարզ, միջին և միջինից բարձր բարդության ոսկերչական իրի եռաչափ մոդել,
• հստակ պատկերացնի եռաչափ ֆայլի ձևաչափերը, հիմնական հատկությունները, ֆորմատները,
• կազմել նախագծվող իրի տեխնիկական առաջադրանք,
• նախագծած վերջնական եռաչափ մոդելի տեխնիկական անձնագիր, որտեղ բերված կլինեն պատրաստվող զարդի զանգվածը՝ տարբեր թանկարժեք մետաղների համաձուլվածքների համապատասխան հարգերով, օգտագործված քարերի տեսակները, քանակը, զանգվածներն ու չափերը,
• վերլուծել մոդելներին ներկայացվող տեխնիկական պայմաններն ու պահանջները,
• նախագծված 3dm ֆորմատի ֆայլից ստանա լstl ֆորմատ,
• պատրաստվող զարդի ակնկալվող իրական տեսքը /render/ (մասնագիտական գրագրություն),
• օգտագործել ոսկերչական իրերի եռաչափ մեդելավորման և նախագծման ժամանակակից ծրագրային միջոցներ և միջավայրեր (համակարգչային նախագծման գործիքակազմ),
• սովորել և շարունակաբար բարձրացնել մասնագիտական որակավորումը (մասնագիտական  ինքնազարգացման կարողություն),
• համագործակցել գործընկերների հետ, կիսել պարտականությունները թիմի անդամների հետ, իրականացնել արդյունավետ հաղորդակցություն և լիարժեք մասնակցություն թիմային աշխատանքներում (թիմային աշխատանքի կարողություն, նախաձեռնողական և գործարարական հմտություններ, կազմակերպչական ունակություններ):